Na Nacyjanalnym pravavym internet-partale apublikavanyja źmieny ŭ pastanovu Ministerstva achovy zdaroŭja ad 10 krasavika 2020 hoda №36. U ich udakładniena, chto ciapier źjaŭlajecca kantaktami pry COVID-19, źviartaje ŭvahu Tut.by.

Ciapier kantaktami pieršaha ŭzroŭniu ličacca tyja, chto mieŭ ciesny kantakt z zachvarełym na karanavirusnuju infiekcyju na praciahu 4 dzion da i 10 dzion paśla źjaŭleńnia ŭ jaho simptomaŭ zachvorvańnia.

Taksama da takich kantaktaŭ adnosiacca tyja, chto kantaktavaŭ z čałaviekam ź bieśsimptomnaj karanavirusnaj infiekcyjaj na praciahu 4 dzion da i 10 dzion paśla daty zaboru ŭ jaho materyjału dla daśledavańnia na infiekcyju COVID-19.

Važna, što ciesnym kantaktam ličycca kantakt na praciahu nie mienš za 15 chvilin na adlehłaści mienš za 1 mietra biez vykarystańnia srodkaŭ indyvidualnaj abarony orhanaŭ dychańnia.

Da kantaktaŭ druhoha ŭzroŭniu adnosiacca dzieci va ŭzroście da 10 hadoŭ, jakija chodziać u sady i škoły i ŭ jakich byŭ kantakt:

z čałaviekam, jaki maje infiekcyju COVID-19, na praciahu 4 dzion da i 10 dzion paśla źjaŭleńnia ŭ jaho simptomaŭ zachvorvańnia;

z čałaviekam, jaki maje infiekcyju COVID-19 u bieśsimptomnaj formie, na praciahu 4 dzion da i 10 dzion paśla daty zaboru materyjału dla daśledavańnia na infiekcyju COVID-19 pa miescy vychavańnia (vučoby).

Mahčymym ličycca kantakt na adlehłaści ad 1 da 2 mietraŭ biez vykarystańnia srodkaŭ indyvidualnaj abarony orhanaŭ dychańnia.

Raniej kantaktami pieršaha ŭzroŭniu ličylisia ludzi, jakija mieli ciesny kantakt z zachvarełym na COVID-19 na praciahu 14 kalandarnych dzion z daty apošniaha kantaktu da atrymańnia stanoŭčaha vyniku łabaratornaha abśledavańnia.

Клас
Панылы сорам
Ха-ха
Ого
Сумна
Абуральна