Dva padobnyja vypadki adbylisia pry roznych abstavinach. Tak, nočču 8 kastryčnika ŭ balnicu z prykmietami padzieńnia z vyšyni dastavili 17-hadovaha chłopca. Vyśvietliłasia, što cialesnyja paškodžańni junak atrymaŭ, zvaliŭšysia na kazyrok padjezda šmatkvaternaha doma z vyšyni prykładna siomaha pavierchu. Śledčym jon rastłumačyŭ, što chacieŭ zaleźci na bałkon kvatery, u jakoj žyvie jaho dziaŭčyna, kab padaryć joj miakkuju cacku, ale sarvaŭsia i ŭpaŭ sa ściany doma, paviedamlaje SK.
A ŭviečary 10 kastryčnika ŭ lačebnuju ŭstanovu pastupiŭ 48-hadovy mužčyna. Pravierkaj ustanoŭlena, što traŭmy jon atrymaŭ, zvaliŭšysia z vyšyni siomaha pavierchu, kali spuskaŭsia pa bializnavaj viaroŭcy z kvatery ŭ dvor. Svajaki paciarpiełaha rastłumačyli, što začynili jaho ŭ kvatery, kab nie złoŭžyvaŭ śpirtnym.
