83-hadovy aktyvist Jan Hryb nie spłaciŭ štraf u vyznačany termin — i praź dzień u dačynieńni da jaho byli pryznačanyja nieabhruntavana žorstkija miery. Praz dva dni paśla publikacyi štraf piensijaniera byŭ poŭnaściu apłočany nieraŭnadušnymi biełarusami, piša spring96.org.
19 červienia jaho aštrafavali na 40 bazavych vieličyń (1080 rubloŭ) pa č. 1 artykuła 23.34 KaAP za ŭdzieł u pikiecie kala Kamaroŭskaha rynku 7 červienia. Jon padaŭ adpaviednuju skarhu na rašeńnie suda, jakaja była razhledžana 11 vieraśnia. Praz 30 dzion, 12 kastryčnika, skončyŭsia termin na dobraachvotnuju vypłatu štrafu. A jašče praź dzień — 13 kastryčnika — adździeł prymusovaha vykanańnia Kastryčnickaha rajona Minska choć i zaprasiŭ piensijaniera pryjści na razmovu 19 kastryčnika, adrazu ž pryniaŭ dosyć žorstkija miery dla vypatrabavańnia štrafu: zabaraniŭ ažyćciaŭlać rehistracyjnyja dziejańni ŭ dačynieńni da aŭtamabila, ziamli i doma, a taksama spahnaŭ 108 rubloŭ z rachunku na kartcy.
Ciapier Jan Hryb budzie abskardžavać abmiežavańnie svaich pravoŭ na mirnyja schody i vykazvańnie mierkavańnia, tamu što ličyć jaho niezakonnym.
