Pažar, što źniščyŭ aŭto i haraž, zdaryŭsia ŭ Jelsku ŭ noč z 16 na 17 kastryčnika. Haspadar napisaŭ zajavu ŭ milicyju.
Padpalščykam akazaŭsia jaho znajomy. Za tydzień da zdareńnia troje siabroŭ atrymali za padpracoŭku try butelki harełki. Vypiŭšy va ŭładalnika haraža i aŭto dźvie, razyšlisia pa damach. Adzin z tavaryšaŭ viarnuŭsia z prapanovaj dapić, ale akazałasia, što treciaja plaška kudyści źnikła. Zaviazałasia bojka, haspadar pieramoh, a hość pakryŭdziŭsia.
17 kastryčnika padpalščyk pryjšoŭ dadomu ź miascovaha bara, pałajaŭsia z žonkaj i ŭspomniŭ stary kanflikt. Jon adpraviŭsia da doma kryŭdziciela, ubačyŭ tam adkryty aŭtamabil i haraž. U aŭto padpaliŭ abšyŭku, a ŭ haražy — kanapu. MNS vyratavać majomaść nie paśpieła. Zaviali kryminalnuju spravu.
