Baskietbalist Jahor Mieščarakoŭ ličyć, što Alaksandr Łukašenka raniej pakinie pasadu prezidenta Biełarusi, čym Uładzimir Pucin sydzie z anałahičnaj pasady ŭ Rasii.
— U ciabie ŭ Vikipiedyi dva hramadzianstvy: ruskaje i biełaruskaje. Jakoha mierkavańnia ty ciapier pra Pucina?
— Zaraz majo mierkavańnie, na žal, pahoršała pra Pucina. Pra Pucina i rasijskich palitykaŭ. U tym liku pra Łaŭrova. Heta značyć, toje, što adbyvajecca apošnija dva miesiacy… Heta jak łakmusavaja papierka. To-bok, kali niedzie ty jašče moh daravać, zhładžvać vuhły, razumieć krytyčnaść situacyi i tłumačyć ich pavodziny, to zaraz jak by tłumačeńniaŭ niama naohuł.
— Chto chutčej pakinie ŭładu? Pucin ci Łukašenka?
— Łukašenka. Nie pytajsia čamu. Ja voś adčuvaju, što jon chutčej pakinie ŭładu.
— Prosta na ŭzroŭni adčuvańniaŭ?
— Tak, na ŭzroŭni adčuvańniaŭ, — skazaŭ Mieščarakoŭ.
