Padčas naviedvańnia Słuckaha rajona Alaksandr Łukašenka vykazaŭsia pra situacyju z karanavirusam, piša BiełTA
«Pakul u nas situacyja kantralavanaja absalutna, — zajaviŭ jon. — Lekaŭ dastatkova, my stvaryli sistemu. My nie ciahniem za ŭsich u balnicy. Kali ŭžo čałaviek ciažki, kali my bačym u jaho prahres pa chvarobie surjozny, viadoma, my jaho ŭ balnicu. Bo raptam treba na kisłarod, na ŠVŁ jaho trymać».
«Treba narmalna žyć (zajmacca sportam, pravilna charčavacca), pastajanna rychtavać siabie da luboj chvaroby. I kali boh budzie bačyć, što ty sam siabie staraješsia padtrymlivać, abaraniać, moža, i dapamoža», — skazaŭ Łukašenka.
«U Biełarusi pakul hetaja situacyja kantralavanaja. Ale rassłablacca ni ŭ jakim vypadku nielha. Ja jašče dumaju: kali b my z hetymi pratestunami pa Minsku pa vulicach nie ciahalisia, była b zusim inšaja situacyja. U nas Minsk daje pałovu zachvarełych. A ŭ pieršuju chvalu davaŭ 25-30%. Bo bolš za ŭsio my ciahajemsia pa vulicach mienavita ŭ Minsku. Ale spravimsia», — reziumavaŭ jon.
Alaksandr Łukašenka zhadaŭ i pra ŭłasny dośvied, kali jon faktyčna na nahach pieranios hetuju chvarobu u pieryjad pieradvybarčaj kampanii: «Što dla mianie kaštoŭna — ja zrazumieŭ, što heta za chvaroba. Samaje hałoŭnaje, kali zachvareješ, kab nie było psichozu. Ja heta intuityŭna adčuŭ, jašče kali sam nie chvareŭ».
Kiraŭnik dziaržavy kanstatavaŭ, što spačatku ŭ jaho mietady va ŭmovach pandemii ŭ Biełarusi bolšaść nasielnictva nie pavieryła.
«Ja ščyra heta pryznaju. Strašna było, ale ja razumieŭ, što ŭsia chvaroba — u hałavie. Fizična my pieraniasiom rany, traŭmy i inšaje. Ale kali ty pačynaješ paddavacca psichozu — usio, — zaŭvažyŭ jon. — Kavid staŭ samaj strašnaj chvarobaj. Ludzi ŭžo zabylisia pra ankałohiju i dumali pra hety virus. Heta niapravilna, ja heta adčuvaŭ. Heta maja intuicyja, vopyt. I sprabavaŭ vam heta ŭ hałavu ŭkłaści i dahrukalisia da vas. Vy mnie nie pavieryli. Ale ciapier to vy pierakanalisia, što ja mieŭ racyju».
Alaksandr Łukašenka nahadaŭ, što nie prosta tak adnojčy skazaŭ pra toje, što karanavirus projdzie, a «žerci što budziem?».
«Ja prosta chacieŭ, kab vy zapomnili. Ja mieŭ racyju. Maja hałoŭnaja parada, jana i ciapier aktualna: nijakaha psichozu!»- skazaŭ jon.
Łukašenka adznačyŭ, što, chutčej za ŭsio, z hetaj chvarobaj daviadziecca žyć, jak i ŭ vypadku z hrypam. «Budzie vakcyna — pravakcynujem ludziej», — padsumavaŭ jon.
