Razam z Bukmiekierskaj kantoraj Leon praciahvajem sačyć za vyšejšaj lihaj.
Nievyraznyja vyniki BATE i «Šachciora» ŭ apošnich turach, a taksama niečakanaja paraza «Niomana» ŭ Haradziei dali mahčymaść kankurentam uvarvacca ŭ baraćbu za miescy na pjedestale.
Asablivaha pośpiechu ŭ hetym dabiłasia bresckaje «Dynama». Piać pieramoh zapar — i kamanda Kavalčuka ŭžo treciaja pa stračanych bałach. U apošnim tury čempijonaŭ Biełarusi čakaje zachodniaje derbi z «Niomanam»: mahčyma, hety matč kančatkova vyrašyć miedalovaje pytańnie.
Ale čaćviortuju i siomuju kamandy padzialajuć usiaho dva bały, i kožnaja strata moža kaštavać vielmi doraha.
Na inšym baku tablicy taksama śpiakotna. Cukrovyja kamandy zmahli dabicca sinchronnych pieramoh i adarvalisia ad «Biełšyny», jakaja prapuskała tur, na čatyry punkty. Debiut Alaksandra Brazieviča na čale «Słucka» akazaŭsia paśpiachovym, a «Haradzieja» ŭ kancy hulni vyrvała viktoryju ŭ «Niomana».
Hałkipier «Słucka» Illa Branaviec (u błakitnaj formie) staŭ hierojem matča z «Minskam». Fota: FK «Minsk».
Ź inšych vynikaŭ adznačym halavuju fiejeryju ŭ bresckim derbi, pieramohu minskaha «Dynama» ŭ Salihorsku, a taksama bajavuju ničyju ŭ hulni «Isłač» — BATE. Voś usie vyniki tura:
- «Słuck» — «Minsk» 2:1
- «Viciebsk» — «Enierhietyk-BDU» 1:0
- «Nioman» — «Haradzieja» 0:1
- «Smalavičy» — «Tarpieda-BiełAZ» 1:4
- «Isłač» — BATE 2:2
- «Šachcior» — «Dynama-Minsk» 0:1
- «Dynama-Brest» — «Ruch» 5:2
- Pieraniesieny matč «Minsk» — «Słavija» 2:1
- Pieraniesieny matč «Dynama-Brest» — «Słuck» 3:1
TURNIRNAJA TABLICA
Jakija matčy nas čakajuć u nastupnym tury?
«Haradzieja» — «Smalavičy»
- 24.10, 14:30. Stadyjon «Haradzieja»
- Kaeficyjenty: «Haradzieja» (pieramoha) — 1.42; ničyja — 5.35; «Smalavičy» (pieramoha) — 7.65.
U «Haradziei» jość dobraja mahčymaść zdabyć druhuju pieramohu zapar, čaho z «cukrovaj» kamandaj nie zdarałasia z krasavika. Z ulikam taho, što napieradzie matčy ŭ Słucku («Haradzieja» tam nie vyjhravała nikoli), a taksama z macniejšymi bresckim «Dynama» i «Isłačču», naŭrad ci kolkaść nabranych bałaŭ «cukrovych» istotna pabolšycca paśla subotniaj hulni.
U «Smalavičaŭ» ža sieryja i nie zakančvałasia — 10 parazaŭ zapar z ahulnym likam 6:35. Stratehičnaje pytańnie ciapier inšaje: jakoj kamandaj hulać u pieršaj lizie i ci hulać uvohule?
Prahnoz «NN»: «Haradzieja» pieramoža.
BATE — «Viciebsk»
- 24.10, 16:30. «Barysaŭ-Arena»
- Kaeficyjenty: BATE (pieramoha) — 1.34; ničyja — 5.65; «Viciebsk» (pieramoha) — 10.25.
Barysaŭcy nie zmahli vyjhrać u «Isłačy», ale navat adarvalisia ad kankurentaŭ jašče na adzin bał. U BATE vielmi składany kalandar: napieradzie matčy z «Šachcioram» i minskaje «Dynama» ŭ apošnim tury, tamu «Viciebsku» sastupać nijak nielha.
«Viciebsk» pierarvaŭ narešcie sieryju z šaści matčaŭ bieź pieramoh i nieistotna padpraviŭ turnirnaje stanovišča. Miaža pieršaj dziasiatki — naŭrad ci toj vynik, na jaki raźličvali ŭ paŭnočnym kłubie.
Prahnoz «NN»: pieramoha BATE.
«Dynama-Minsk» — «Biełšyna»
- 24.10, 18:30. Minsk, stadyjon «Dynama»
- Kaeficyjenty: «Dynama» (pieramoha) — 1.31; ničyja — 5.85; «Dynama» (pieramoha) — 11.75.
U minskaha «Dynama» try kalandarnyja pieramohi zapar. Nie nadta vidoviščnyja, ale minčuki, jakich kaŭbasić uvieś siezon, usiaho za čatyry bały ad pjedestała. A raskład na kaniec siezonu taki, što kamanda Kučuka moža lohka nabrać jak minimum 9 bałaŭ z 12 mahčymych.
Fota: FK «Dynama-Minsk».
«Biełšyna», jakaja, zdavałasia, amal vyskačyła z zony vyletu, praz «karonu» prapuściła ceły miesiac i znoŭ vymušanaja dahaniać. Ale napieradzie — matčy z «Šachcioram» i BATE, tamu vyratavańnie budzie zvyšskładanym.
Prahnoz «NN»: pieramoha «Dynama».
«Nioman» — «Słavija»
- 25.10, 13:00. Hrodna, CSK «Nioman». Matč projdzie biez hledačoŭ
- Kaeficyjenty: «Nioman» (pieramoha) — 1.42; ničyja — 5.10; «Słavija» (pieramoha) — 8.20.
U niadzielu matčy na Hrodzienščynie projduć biez hledačoŭ. U Hrodnie z-za karanavirusa, u Lidzie (tam «Lida» prymie «Krumkačy») — «u suviazi z napružanym apieratyŭnym stanoviščam na terytoryi h. Lida i Lidskaha rajona».
A hledačy b «Niomanu», jaki praciahvaje zmahacca za miedali, dakładna b nie naškodzili. Što tyčycca «Słavii», to ŭ mazyrčukoŭ praź pieranosy zastałosia ažno šeść matčaŭ. Ale małavierahodna, što kamanda padymiecca vyšej za 12 radok.
Prahnoz «NN»: totał, mienšy za 2.5.
«Enierhietyk-BDU» — «Šachcior»
- 25.10, 15:00. Maładziečna, centralny stadyjon
- Kaeficyjenty: «Enierhietyk» (pieramoha) — 7.05; ničyja — 4.45; «Šachcior» (pieramoha) — 1.53.
Za dva miesiacy na čale «Šachciora» Raman Hryharčuk pravioŭ čatyry matčy: 3 u čempijanacie i adzin kubkavy. Dva z troch matčaŭ u lizie «Šachcior» prajhraŭ. Apošniaja paraza ad minskaha «Dynama» atrymałasia vielmi emacyjnaj: z zaŭziatarami kanfliktavali jak hałkipier Alaksandr Hutar, tak i spartyŭny dyrektar kłuba Alaksandr Rechvijašvili.
«Studenty» praciahvajuć dajhravać siezon i apuskacca ŭsio nižej i nižej. Paśla letniaha rasprodažu lidaraŭ ambicyi ŭ kamandy prosta rastvarylisia.
Prahnoz «NN»: pieramoha «Šachciora».
«Ruch» — «Isłač»
- 25.10, 17:00. DASK «Brescki»
- Kaeficyjenty: «Ruch» (pieramoha) — 2.39; ničyja — 4.10; «Isłač» (pieramoha) — 2.79.
U kastryčniku nastupiła čornaja pałasa ŭ «Rucha». Spačatku kamanda razhromna sastupiła «Minsku» ŭ kubku (0:3), a paśla ŭpuściła pieramožny lik u bresckim derbi, prapuściŭšy ažno 5 miačoŭ.
Fota: FK «Dynama-Brest».
«Isłač» nie prajhraje try miesiacy, znachodziačysia za adnu pieramohu ad lidaraŭ tablicy. Raskład na kaniec siezonu davoli spryjalny dla praciahu sieryi.
Prahnoz «NN»: «Isłač» nie sastupić.
«Minsk» — «Dynama-Brest»
Paśla stračanaj na apošnich chvilinach ničyjoj u Słucku «Minsk» zmoh reabilitavacca ŭ pieraniesienym matčy sa «Słavijaj». Jość mahčymaść padniacca ŭ pieršuju dziasiatku, ale zadačy ŭ «haradžan», vidać, užo budujucca na nastupny siezon.
Pra bieraściejcaŭ i ich mahčymyja haryzonty my napisali vyšej. Ale chodziać čutki, što naleta Alaksandr Zajcaŭ moža skancentravacca vyklučna na «Ruchu» i zabje na «Dynama». Pabačym, jak heta adabjecca na hulni kłuba.
Prahnoz «NN»: Brest pieramoža.
«Tarpieda-BiełAZ» — «Słuck»
- 26.10, 17:00. Žodzina, stadyjon «Tarpieda»
- Kaeficyjenty: «Tarpieda» (pieramoha) — 1.32; ničyja — 6.20; «Słuck» (pieramoha) — 9.75.
«Słuck» byŭ blizki da taho, kab u pieraniesienaj hulni adabrać bały ŭ bresckaha «Dynama». Ale «cukrovyja» nie realizavali svaje momanty, a ŭ kancy matča ŭsio vyrašyła roźnica ŭ kłasie.
Ciapier «Słuck» jedzie ŭ Žodzina, dzie nikoli ŭ historyi nie vyjhravaŭ. Ale mahčyma, što heta atrymajecca z novym trenieram.
Prahnoz «NN»: Totał, bolšy za 2.5.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
