Novyja prezidenckija vybary ŭ Biełarusi pavinny prajści da kanca 2020 hoda. Pra heta zajaviła lidarka biełaruskaj apazicyi Śviatłana Cichanoŭskaja padčas sustrečy z pradstaŭnikami Parłamienckaj asamblei ABSIE ŭ Danii.
Fota Nadziei Bužan.
Cichanoŭskaja zrabiła akcent, što pieramovy ab novych vybarach pavinny pačacca ŭ 2020 hodzie i novyja vybary taksama pavinny być pryznačanyja da kanca hoda.
Akramia taho, Cichanoŭskaja sustrełasia z premjer-ministram Danii Miete Frederyksien. Padčas sustrečy jany abmierkavali biahučuju situacyju ŭ Biełarusi. Eks-kandydat u prezidenty padkreśliła, što pryjšoŭ čas dumać ab pierachodnym pieryjadzie i pačać abmierkavańnie nieabchodnych u krainie reformaŭ.
