Z 27 vieraśnia 2020 Biełaruskaja čyhunka pryznačyła ciahnik mižrehijanalnych linij, jaki pa niadzielach i paniadziełkach źviazaŭ try abłasnyja centry — Homiel, Mahiloŭ i Viciebsk.
Z pačatku kursiravańnia novaha ciahnika im skarystalisia kala 1800 pasažyraŭ. Z ulikam zapatrabavanaści hetaha maršrutu dadzieny ciahnik pryznačany na rehularnaj asnovie.
Ciahnik №697/698 adpraŭlajecca z Homiela pa niadzielach u 17.16 i prybyvaje ŭ Viciebsk u 23.26. U advarotnym kirunku ź Viciebska ciahnik adpravicca ŭžo paśla paŭnočy — u 1.00 paniadziełka i ŭ 7.36 prybudzie na stancyju Homiel. U šlachu sastaŭ robić prypynki pa stancyjach Buda-Kašaloŭskaja, Žłobin, Rahačoŭ, Bychaŭ, Mahiloŭ, Škłoŭ i Orša.
Košt prajezdu ŭ płackartnym vahonie ad Homiela da Viciebska składaje 10,96 rubla, a ŭ kupejnym — 15,20 rubla.
