U Hrodnie kiroŭca ŭsiedarožnika źbiŭ i pravioz na kapocie milicyjaniera, paviedamlaje MUS.
Učastkovy inśpiektar Leninskaha RAUS uviečary 25 kastryčnika vyjšaŭ z padjezda doma. Jon ubačyŭ, što minak sfatahrafavaŭ jaho słužbovy aŭtamabil, i pasprabavaŭ daviedacca metu zdymki. Prośbu mužčyna praihnaravaŭ i sieŭ u BMW X5. Zatym pasprabavaŭ źjechać: źbiŭ inśpiektara, praciahnuŭ jaho na kapocie kala 10 m i skinuŭ na pavarocie.
Nieŭzabavie mašynu zatrymali supracoŭniki Hrodzienskaj pamiežnaj hrupy ŭ punkcie propusku «Pryvałka». Vyśvietliłasia, što za rulom byŭ 33-hadovy indyvidualny pradprymalnik. Jon byŭ ćviarozy, ale patłumačyć pryčynu svajho ŭčynku nie zmoh.
Zaviali kryminalnuju spravu za hvałt u dačynieńni da supracoŭnika orhanaŭ unutranych spraŭ.