Niezvyčajnuju historyju svajho zatrymańnia raskazaŭ «Našaj Nivie» mieniedžar pa prodažach mahiloŭskaha internet-apieratara «Transtelekam» Dźmitryj Hutaraŭ.
«Mianie zaśniali «cichary» na mahiloŭskich akcyjach 30 žniŭnia i 6 vieraśnia. Milicyja nibyta šukała mianie, ale paviestku ja nie atrymlivaŭ. Jany pryjšli pa miescy prapiski, ale tam nie žyvu.
I voś 21 vieraśnia pastupaje zvanok majmu niepasrednamu načalniku ad nibyta klijentaŭ, jakija chacieli b, kab ja pravioŭ im naš internet, maŭlaŭ, piersanalna mianie rekamiendavali. Mnie dali adras, ja tudy pryjechaŭ, ale z mašyny vyjšli try čałavieki ŭ štackim i zatrymali mianie», — raskazaŭ Hutaraŭ.
Paśla zatrymańnia chłopca zavieźli ŭ RAUS. «Skazali, što kali nie pryznaju vinu, to pasadziać u izalatar», — tłumačyć jon.
Paśla 9 hadzin znachodžańnia ŭ milicyi chłopiec vyjšaŭ z pratakołam pa artykule 23.34.
7 kastryčnika sudździa Leninskaha rajona Mahilova Viktoryja Palakova prysudziła Dźmitryju Hutaravu štraf 540 rubloŭ.
***
Prajekt 23-34 źbiraje historyi biełarusaŭ, jakija byli pakaranyja pa hetym «narodnym» artykule. Na hety momant svaje ŭspaminy pakinuli ŭžo amal 2000 čałaviek. Kaardynatary prapanujuć dapamohu paciarpiełym.
