Fota Kaciaryny Hardziejevaj, Tut.by
Alaksandr Łukašenka padčas pryznačeńnia novych pamočnikaŭ u rehijonach — a na Hrodzienščynie im ciapier budzie ŭžo były kiraŭnik MUS Juryj Karajeŭ — vykazaŭsia pra zabastoŭki na «Hrodna Azocie» i pra biaśpieku, piša Tut.by.
Tak, Łukašenka pastaviŭ pierad novymi pamočnikami ŭ rehijonach zadaču pa ich hramadskaj biaśpiecy.
— Heta vielmi važna vam jak vajennym ludziam — paradak u abłaściach.
Kažučy pra akcyi pratestu, jon skazaŭ, što «ŭ asnoŭnym chistajucca ŭ Minsku, ale supakojvacca nie treba i ŭ rehijonach».
— Chaj nievialikija tam byli hetyja akcyi — 1-2 tys., ale tym nie mienš. Asabliva ŭ Hrodnie. Heta što takoje: zaklikajuć spynić «Hrodna Azot» ci zładzić strajk. A kali vybuch… Tam ža vysokatechnałahičnaja niebiaśpiečnaja vytvorčaść. Nie daj boh što zdarycca — Hrodna pobač, nakryje całkam. A ruža viatroŭ zachodniaja. Tam krucić hety viecier, nad Hrodnam raźniasie vobłaka, zahinuć tysiačy i tysiačy ludziej. Z haściami amal paŭmiljona ŭ Hrodnie krucicca. Tamu pytańnie hramadskaj biaśpieki — najvažniejšaje pytańnie, — zajaviŭ Alaksandr Łukašenka.