BiełTA

BiełTA

Situacyja ŭ ekanomicy i na viadučych pradpryjemstvach abmiarkoŭvałasia na sustrečy Alaksandra Łukašenki z premjer-ministram Ramanam Hałoŭčankam, piša BiełTA.

«Skažu ščyra, vielmi chaciełasia b, kab u hetym hodzie na zło, jak u narodzie kažuć, našym voraham i niepryjacielam ekanomika ŭ nas spracavała prynamsi nie horš, čym u susiedziaŭ», — skazaŭ Łukašenka.

Jon padkreśliŭ, što hałoŭnaje — nie prosta statystyčnyja ličby VUP, a realnyja prodažy vyrablenych tavaraŭ: «Viadoma, kali b my vytrymali tyja svaje mety, jakija my pastavili, dasiahnuŭšy ich, i pa VUP zachavali ŭzrovień minułaha hoda…Ale nie ŭ tupuju, nie naŭprost, što my tam traktaroŭ i aŭtamabilaŭ stvaryli stolki, što niama kudy padzieć ich. Hałoŭnaje tavar pradać. Tamu heta važna».

Łukašenka taksama pacikaviŭsia prahnozam raźvićcia na 2021 hod, paprasiŭšy koratka dałažyć na hetuju temu. «Bo my jašče sustreniemsia i ŭ bolš šyrokim kole, abmiarkujem našy płany na 2021 hod. Nu a na Usiebiełaruskim narodnym schodzie ŭžo paznačym kontury našaj piacihodki», — adznačyŭ jon.

Alaksandra Łukašenku cikaviła i situacyja na pradpryjemstvach, dzie ŭ tym liku «z-za miažy sprabavali razhajdać abstanoŭku, vysoŭvajučy ŭltymatumy i zaklikajučy da zabastovak».

«Małajcy rabočy kłas i naša hetaja techničnaja intelihiencyja, prosta małajcy. Zrazumieli, što jany mohuć stracić. Dy i ludzi ŭžo nie tyja, što byli navat miesiac tamu, — skazaŭ Łukašenka. — Nu i ŭbačyli tych, chto chacieŭ pryjści da ŭłady. Heta taksama karysna. Heta dobry ŭrok z apošnich padziej».

Клас
Панылы сорам
Ха-ха
Ого
Сумна
Абуральна