Dźmitryj Mazura, student 4-ha kursa BDUIR, vyjšaŭ na volu z turmy ŭ Žodzinie. Pra heta redakcyi 2 listapada ŭ 19.18 paviedamiŭ jaho siabar, jaki pryjechaŭ sustrakać Mazuru. Nahadajem, studenta aryštavali sumarna na 38 sutak, piša Tut.by.
Fota: Tut.by.
Pieršy praces nad Dźmitryjem prajšoŭ 28 vieraśnia. Sud Savieckaha rajonu stalicy pakaraŭ chłopca 23 sutkami: 13 dali pa art. 23.34 i 10 — pa art. 23.4 KaAP. Zatrymali studenta kala ŭniviersiteta, kali jon išoŭ da mietro, kab źjechać dadomu. Tady Mazuru abvinavacili va ŭdziele ŭ akcyi kala ŭniviersiteta, jakaja prajšła 22 vieraśnia.
Druhi sud nad Dźmitryjem adbyŭsia 5 kastryčnika, pakul jon adbyvaŭ svoj papiaredni aryšt. Tady jaho sudzili za ŭdzieł u šeści studentaŭ 1 vieraśnia. I znoŭ sud Savieckaha rajona pryznaŭ studenta vinavatym, pryznačyŭšy maksimalnaje pakarańnie — 15 sutak administracyjnaha aryštu.
Sumarny termin aryštu skłaŭ 38 sutak.
