Stali viadomyja padrabiaznaści kadravych rakirovak, jakija adbylisia 29 kastryčnika, kali byli pryznačanyja novyja pamočniki Łukašenki. Na Nacyjanalnym pravavym internet-partale 3 kastryčnika apublikavanyja adpaviednyja ŭkazy, piša tut.by.
Fota: president.gov.by
Hienierał-lejtenant Valeryj Vakulčyk ukazam vyzvaleny ad pasady dziaržsakratara Rady biaśpieki krainy, u jakoj jon prabyŭ niapoŭnyja dva miesiacy. Vakulčyk adkamandziravany ŭ KDB, jaki ŭznačalvaŭ amal 8 hadoŭ. Va ŭkazie prezidenta skazana, što Vakulčyk zvolnieny z vajennaj słužby ŭ zapas pa ŭzroście z pravam našeńnia vajennaj formy i znakaŭ adroźnieńnia. Vakulčyku prysvojeny pieršy kłas dziaržaŭnaha słužačaha. Nahadajem, jon pryznačany pamočnikam Łukašenki — inśpiektaram pa Bresckaj vobłaści.
Hienierał-lejtenant milicyi Alaksandr Barsukoŭ ukazam vyzvaleny ad pasady namieśnika ministra ŭnutranych spraŭ — načalnika milicyi hramadskaj biaśpieki. Jon zvolnieny sa słužby ŭ orhanach unutranych spraŭ u zapas pa ŭzroście z pravam našeńnia formy i znakaŭ adroźnieńnia. Jamu taksama prysvojeny pieršy kłas dziaržaŭnaha słužačaha. Barsukoŭ staŭ pamočnikam pa Minsku.
Hienierał-lejtenant milicyi Juryj Karajeŭ bolš nie źjaŭlajecca ministram unutranych spraŭ, jaho prykamandziravali da Administracyi prezidenta z pakidańniem u kadrach MUS. Karajeŭ staŭ pamočnikam pa Hrodzienskaj vobłaści.
