U suviazi z pačatkam pracy Biełaruskaj AES u Astraŭcy (BiełAES) Litva asudziła dziejańni Biełarusi, jakija stvarajuć atamnyja i ekałahičnyja pahrozy nie tolki Biełarusi i Litvie, ale i ŭsioj Jeŭropie, piša Delfi.lt.

Pra heta havorycca ŭ nocie pratestu Ministerstva zamiežnych spraŭ Litvy Minsku, nakiravanaj u sieradu. Vilnia zaklikaje Biełaruś spynić dalejšuju dziejnaść atamnaj stancyi da taho času, pakul nie buduć realizavanyja vysokija standarty atamnaj biaśpieki i patrabavańni achovy navakolnaha asiarodździa.

U nocie taksama havorycca, što BiełAES parušaje mižnarodnyja kanviencyi Espoo i Orchusa, što zastalisia nie realizavanymi rekamiendacyi stres-testaŭ Jeŭrasajuza.

U aŭtorak litoŭskaja kampanija Litgrid zafiksavała pačatak vytvorčaści na BiełAES, Litva adrazu ž spyniła handal elektraenierhijaj ź Biełaruśsiu. Adnak fizična elektraenierhija i dalej budzie pastupać na rynak Bałtyjskich krain, pakolki jon źjaŭlajecca deficytnym. Litva pakul nie zaćvierdziła adzinuju z Łatvijaj i Estonijaj mietodyku handlu elektraenierhijaj z Rasijaj, Łatvija 5 listapada abiacaje pačać handlavać z Rasijaj praź pieramyčku ŁEP.

Клас
Панылы сорам
Ха-ха
Ого
Сумна
Абуральна