Tut i nižej — fota Alaksandry Pilipovič-Suščyc i čytačoŭ «Našaj Nivy».

Tut i nižej — fota Alaksandry Pilipovič-Suščyc i čytačoŭ «Našaj Nivy».

Niekalki socień demanstrantaŭ byli zatrymanyja ŭ Minsku pry sprobie pravieści «Marš narodaŭładździa». Demanstrantaŭ u centry byli tysiačy, ale siłaviki spyniali lubyja sproby ludziej sabracca ŭ adnym miescy.

Telehram-kanały zaklikali sabracca kala Ratušy, ale ŭsie vulicy vakoł byli zabłakavanyja siłavikami, jakija chapali ludziej na padychodach.

Rajon Steły siońnia vyhladaŭ tak.

Patencyjnych demanstrantaŭ błakavali abo zatrymlivali na Niamizie, praśpiekcie Pieramožcaŭ, vulicach Mielnikajcie, Hvardziejskaj, Staražoŭskaj.

Tym nie mienš, niekalki tysiač ludziej sabralisia nasuprać Steły i pasprabavali vyjści na praśpiekt Mašerava. Suprać ich vysunulisia sotni siłavikoŭ u formie z vadamiotam.

Tady kałona pasprabavała sabracca na rahu Kalvaryjskaj i Cetkin. Ich taksama razahnali.

Jašče adna kałona ź niekalkich tysiač čałaviek sabrałasia za niekalki kiłamietraŭ ad Kalvaryjskaj, kala Biełaj Viežy, i rušyła pa vulicy Bahdanoviča ŭ bok Niamihi.

Taktyka siłavikoŭ siońnia była takaja. Bajcy Unutranych vojskaŭ u ekipiroŭcy stajali ŭ kardonach na vulicach. A, mierkavana, supracoŭniki HUBAZiKa i aficery Sił śpiecyjalnych apieracyj Minabarony ŭ cyvilnym z dubinkami ładzili abłavy ŭ dvarach i skvierach.

Akramia taho, pa centralnych vulicach jeździli kanvoi AMAPa, pa dziasiatku busikaŭ u kałonie, i vysadžvalisia ŭ miescach kancentracyi ludziej.

Dakładnaja ličba zatrymanych stanie viadomaja zaŭtra. Pa acency karespandentaŭ «Našaj Nivy», hety lik, jak i ŭ minułyja vychadnyja, znoŭ idzie na sotni tolki ŭ Minsku. Jość zatrymanyja taksama ŭ Lachavičach (Bresckaja vobłaść), Breście, Homieli.

Demanstranty sprabavali sabracca i ŭ centrach niekatorych inšych haradoŭ Biełarusi, ale, u adroźnieńnie ad taho, što nazirałasia ŭ žniŭni abo 25 kastryčnika, tam siońnia kolkaść demanstrantaŭ była nievialikaja.

Клас
0
Панылы сорам
0
Ха-ха
0
Ого
0
Сумна
0
Абуральна
0