Čytačy Tut.by paviedamlajuć, što studentaŭ, jakija navučajucca ŭ Litvie i Polščy, znoŭ nie prapuskajuć praź miažu ŭ Biełaruś na aŭtatransparcie. Śpiecyjalist, jaki prymaje zvanki na haračaj linii Dziaržaŭnaha pahraničnaha kamiteta, rekamienduje karystacca avijaznosinami.
Fota: Inha Škieler, Tut.by.
U redakcyju źviarnułasia mama studentki, jakaja navučajecca za miažoj.
— Siońnia nočču maju dačku adpravili nazad u Vilniu na punkcie propusku «Kamienny Łoh» biez usialakich tłumačeńniaŭ. Dziažurny Smarhonskaj pamiežnaj hrupy adkazaŭ, što studentaŭ z Polščy i Litvy nie puskajuć u Biełaruś naohuł, — raspaviadaje žančyna.
Jašče adna čytačka dasłała aŭdyjozapis razmovy sa śpiecyjalistam haračaj linii DPK, dzie jana spytała, ci puściać jaje dačku-studentku dadomu. Śpiecyjalist pa telefonie rekamiendavała skarystacca avijaznosinami dla viartańnia dadomu.
Žurnalisty taksama patelefanavali dziažurnamu Smarhonskaj pamiežnaj hrupy.
— Ščyra kažučy, u dačynieńni da studentaŭ prymajecca pryvatnaje rašeńnie pa fakcie prybyćcia ich u punkt propusku. Iduć dakłady vyšej, paviedamlajucca abstaviny ich prybyćcia na terytoryju Respubliki Biełaruś. Dakładvajecca i źvierchu prymajecca rašeńnie. Pa telefonie ja nie skažu, u jaki bok budzie pryniata rašeńnie, — skazaŭ dziažurny.