Siarod zatrymanych siońnia ŭ Minsku — Aleś Žłutka.
66-hadovy ŭradženiec Kličaŭskaha rajona Mahiloŭskaj vobłaści Aleś Žłutka — adziny ŭ Biełarusi śpiecyjalist pa siaredniaviečnaj łacinie.
Kandydat fiłałahičnych navuk, jon doŭhi čas pracuje ŭ Instytucie historyi Akademii navuk Biełarusi. Žłutka adkryŭ i apublikavaŭ šmat histaryčnych dakumientaŭ.
Hety ścipły čałaviek udzielničaŭ u ažyćciaŭleńni mnohich kalektyŭnych navukovych prajektaŭ pa movaznaŭstvie i historyi, zamieny jamu prosta niama.
Pavodle źviestak pravaabaroncaŭ, Žłutku pierapravili ŭ turmu Žodzina.
Raniej łukašenkaŭcy zatrymlivali prafiesaraŭ, doktaraŭ histaryčnych navuk Alaksandra Kraŭceviča i Alaksandra Smalenčuka, kandydata histaryčnych navuk Mikołu Vołkava, dyrektara muzieja historyi Mahilova Alaksieja Baciukova. Siarod zvolnienych z pracy za hramadzianskuju pazicyju — akademik, kardyjachirurh Alaksandr Mročak. Pad represii papali i mnohija inšyja navukoŭcy i vykładčyki ŭ roznych haradach Biełarusi.