BiełTA

BiełTA

Pra heta zajaviŭ siońnia premjer-ministr Raman Hałoŭčanka na pasiadžeńni arhanizacyjnaha kamiteta pa padrychtoŭcy i praviadzieńni ČS-2021, piša BiełTA.

«My hatovy da praviadzieńnia čempijanatu. Biaśpieka zaŭziataraŭ i spartsmienaŭ budzie arhanizavana. Tamu zakliki da bajkotu, jakija časam hučać, niasłušnyja», — skazaŭ Raman Hałoŭčanka.

Tym nie mienš, pavodle jaho słoŭ, pavinien być ałharytm dziejańniaŭ u vypadku źmianieńnia farmatu čempijanatu, u tym liku praviadzieńnia jaho całkam na terytoryi Biełarusi.

«Ministerstva sportu i turyzmu zajaŭlaje pra hatoŭnaść da takoha farmatu. Vidavočna, što dla hetaha spatrebiacca i dadatkovaje finansavańnie, i mabilizacyja dadatkovych resursaŭ», — adznačyŭ kiraŭnik urada.

«U cełym z boku Biełarusi padrychtoŭka prachodzić u adpaviednaści z płanam. Chaču źviarnuć uvahu, što sproby dyskredytavać Biełaruś jak arhanizatara mierapryjemstva pradaŭžajucca. Siońnia peŭnyja siły sprabujuć vykarystać praviadzieńnie čempijanatu ŭ Biełarusi jak instrumient šantažu i cisku», — ličyć premjer-ministr.

***

Čempijanat śvietu pa chakiei-2021 pavinien prajści ŭ Łatvii i Biełarusi z 21 maja pa 6 červienia. U Biełarusi budzie hulać adna hrupa (8 kamandaŭ), u Łatvii druhaja. Matčy płej-of miarkujecca pravieści ŭ Minsku.

U siaredzinie vieraśnia Mižnarodnaja fiederacyja chakieja sabrała hrupu ekśpiertaŭ, jakija aceńvajuć situacyju ŭ Biełarusi z punktu hledžańnia biaśpieki dla kamand-udzielnic i chakiejnych zaŭziataŭ. Jany pavinny vystupić z dakładam 16 listapada. Čakajecca, što na jaho padstavie i budzie pryniata rašeńnie pra los čempijanatu śvietu.

Aproč taho, Łatvija zajaviła pra hatoŭnaść bajkatavać praviadzieńnie abo mahčymaść pravieści spabornictvy dźviuch hrupaŭ, zajaviŭšy, što maje jašče adnu arenu.

Клас
Панылы сорам
Ха-ха
Ого
Сумна
Абуральна