Minzdaroŭja ŭ svaim telehram-kanale adkazała na pytańni ad baćkoŭ, pa ŭviadzieńni karancinu ŭ škołach:
«Rašeńnie ab prypynieńni adukacyjnaha pracesu z pryčyny zachvorvańniaŭ na VRVI (u tym liku na hryp i infiekcyju COVID-19) prymajuć miascovyja vykanaŭčyja i rasparadčyja orhany ŭłady».
Minzdaroŭja zaznačaje, što kiraŭniki ŭstanoŭ abaviazany infarmavać miascovyja vykanaŭčyja i rasparadčyja orhany ab adsutnaści 30% navučencaŭ (ad ahulnaj kolkaści) z pryčyny chvaroby z metaj pryniaćcia imi rašeńnia ab prypynieńni adukacyjnaha pracesu.
Minzdaroŭja raić abmiežavać praviadzieńnie masavych mierapryjemstvaŭ u pamiaškańniach ustanoŭ adukacyi, u tym liku z vykarystańniem aktavaj zały. Taksama nieabchodna admovicca (na čas) ad naviedvańnia vystaŭ i muziejaŭ, teatraŭ i kinateatraŭ, inšych ahulnych mierapryjemstvaŭ. Pry uskładnieńni epidemičnaj situacyi na administracyjnaj terytoryi i ŭ ustanovie nakładvajecca zabarona na praviadzieńnie takich mierapryjemstvaŭ.
Pavodle viedamstva, pracent adsutnych z pryčyny VRVI (u tym liku hrypu i kavida) u škołach składaje ad 1 da 11%.