Supracoŭniki ŭ cyvilnym admovilisia prapuścić u Viarchoŭny sud redaktara Tut.by Hannu Kałtyhinu, jakaja pavinna była dać pakazańni jak śviedka. Uźnikli pytańni da adzieńnia Kałtyhinaj, jana była ŭ biełaj bajcy z nadpisam «Začiem? Zatiem». Tolki paśla ŭmiašańnia sudździ Ały Kryvickaj śviedku dazvolili padniacca ŭ zału sudovaha pasiadžeńnia
Siońnia, 12 listapada, praciahnuŭsia sudovy praces pa spravie Tut.by. Kampanija abskardziła papiaredžańni Ministerstva infarmacyi. Nahadajem, što ŭ vieraśni viedamstva padało pazoŭ ab pazbaŭleńni Tut.by statusu ŚMI i prypyniła status na try miesiacy — da 30 śniežnia 2020 hoda, paviedamlaje partał.
Sud pastanaviŭ pryznać niadziejnym adno papiaredžańnie Mininfarma — ad 9 vieraśnia (artykuł pra dačku redaktara Haliny Ułasik Valeryju). U zadavalnieńni astatnich patrabavańniaŭ było admoŭlena.
Taksama siońnia było pastanoŭlena spahnać ź Mininfarma ŭ adras Tut.by 1350 rubloŭ, z Tut.by — 300 rubloŭ za akazańnie jurydyčnych pasłuh advakata Minifarma.
Astatnija dva papiaredžańni i jurydyčnyja nastupstvy pazbaŭleńnia statusu ŚMI zastajucca ŭ sile.
Pastanova moža być abskardžana ŭ paradku nahladu.
