Pra heta zajaviŭ u čaćvier ministr zamiežnych spraŭ Rasii Siarhiej Łaŭroŭ u intervju rasijskim i zamiežnym ŚMI pa aktualnych pytańniach mižnarodnaha paradku dnia.
«Kali ŭ cełym aceńvać situacyju [u Biełarusi], my, viadoma, zaniepakojenyja tym, što praciahvajucca tam roznyja chvalavańni, choć zadavolenyja tym, što hetyja pratesty schodziać na ništo. Kolkaść udzielnikaŭ niesankcyjanavanych akcyj skaračajecca, jak ja razumieju», — skazaŭ Łaŭroŭ, adkazvajučy na pytańnie TASS.
Jon adznačyŭ, što ŭ apošniuju niadzielu ŭ pratestach brali ŭdzieł ad troch da piaci tysiač čałaviek. Pry hetym raniej, pa słovach ministra, na padobnyja akcyi vychodzili bolš za 100 tysiač pratestoŭcaŭ.
«Heta źnižeńnie masavaj aktyŭnaści, vidavočna, adlustroŭvaje razumieńnie ludźmi, jakija ščyra vychodzili na vulicy, chacieli być pačutymi, što ŭsio ž taki situacyju treba supakojvać i treba pierachodzić da kanstruktyŭnaha dyjałohu», — rastłumačyŭ kiraŭnik MZS RF.
Pa jaho słovach, biełaruskija ŭłady dosyć vyrazna paznačyli hatoŭnaść da dyjałohu, prapanavaŭšy pravieści kanstytucyjnuju reformu.
