Supracoŭniki HUBAZiK zatrymali lidara anarchistaŭ i byłoha palitviaźnia Mikałaja Dziadka. Jon staŭ padazravanym pa kryminalnaj spravie ab «parušeńni hramadskaha paradku».
Milicyja znajšła Dziadka na kanśpiratyŭnaj kvatery ŭ pasiołku Sasnovy Asipovickaha rajona.
Jaho telehram-kanał «Mikoła» (kala 15 tysiač padpisantaŭ) pierajšoŭ pad kantrol siłavikoŭ.
Pahladzicie, u jakim stanie Dziadok paśla zatrymańnia:
Mikołu Dziadku 32 hady, jon syn eks-sudździ Minskaha abłasnoha suda Alaksandra Dziadka.
U 2010 hodzie byŭ zatrymany paśla napadu na pasolstva Rasii ŭ Minsku. Byŭ fihurantam «spravy anarchistaŭ», prysudžany da 4,5 hoda źniavoleńnia. Vinu nie pryznaŭ, admoviŭsia padpisvać prašeńnie ab pamiłavańni na imia Alaksandra Łukašenki. Atrymaŭ dadatkovy hod źniavoleńnia za «złosnaje niepadparadkavańnie patrabavańniam administracyi». Vyzvaleny ŭ 2015 hodzie razam ź Mikołam Statkievičam i inšymi palitviaźniami.
