Z-za adsutnaści vady ŭ škole ŭ Novaj Baravoj admianiajuć zaniatki, paviedamlajuć TUT.BY čytačy. Prablemu z vadoj nie mohuć vyrašyć užo dva dni.
Vada ŭ bolšaści damoŭ u Novaj Baravoj źnikła jašče ranicaj u niadzielu. Sprava ŭ tym, što chtości, vierahodna, paškodziŭ zasaŭku ŭ adnym z kałodziežaŭ pa mahistrali padačy vady ŭ rajon. Na praciahu dvuch dzion «Minskvodakanał» hetuju prablemu vyrašyć nie zmoh.
Jak raskazali TUT.BY čytačy, vady nie było i ŭ škole ŭ Novaj Baravoj, dzie vučacca kala 1800 dziaciej. Tamu ŭroki byli skaročanymi, a ŭviečary kłasnyja kiraŭniki paviedamili baćkam i vučniam, što z-za adsutnaści vady zaniatki 17 listapada admianiajucca.
Źjaviłasia infarmacyja, što i dziciačyja sady ŭ Novaj Baravoj taksama buduć začynienyja. Takija paviedamleńni ŭ mnohich baćkoŭskich čatach.
U Novaj Baravoj druhi dzień niama vady. Žychary bačać u hetym pomstu ŭładaŭ
