Deputat kanhresa Pieru Fransiska Sahaści abrany časovym prezidentam krainy.
Sahaści — inžynier, były čynoŭnik Suśvietnaha banka stanovicca trecim prezidentam krainy za tydzień. 15 listapada ab adstaŭcy z pasady časovaha prezidenta Pieru paviedamiŭ Manuel Mieryna, jaki kiravaŭ krainaj z 10 listapada, kali praz abvinavačvańni ŭ karupcyi byŭ abvieščany impičmient jaho papiaredniku Marcinu Viskare. Pavodle zakonaŭ krainy, novym kiraŭnikom dziaržavy staŭ śpikier parłamienta Mieryna, paśla čaho byŭ sfarmavany novy skład urada.
Mieryna syšoŭ u adstaŭku na fonie vuličnych pratestaŭ. Jaho abvinavačvajuć u paturańni žorstkim dziejańniam palicyi pry razhonie demanstrantaŭ, što paciahnuła hibiel nie mienš dvuch čałaviek. Adna z akcyj pratestu była žorstka spynienaja palicyjaj, zahinuli dva čałavieki, što spravakavała novyja biesparadki.
Paśla hetaha bolš za pałovu členaŭ urada Pieru syšli ŭ adstaŭku, da vykanańnia abaviazkaŭ jany prystupili 12 listapada paśla taho, jak novy skład urada byŭ sfarmavany. Siarod tych, chto sychodzić u adstaŭku, ministry abarony, unutranych spraŭ, justycyi, ekanomiki i achovy zdaroŭja.
