Na jutub-kanale «Našaj Nivy» źjaviłasia 10-chvilinnaje videa z zapisam taho, što adbyłosia ŭviečary 9 žniŭnia kala Steły. Hety rolik z kamiery videanazirańnia ŭ Redakcyju dasłali čytačy.
Što adroźnivaje tuju situacyju ad ciapierašniaj? Pa-pieršaje, demanstranty nie raźbiahajucca, ubačyŭšy amapaŭcaŭ. Dyj siłaviki nie kidajucca ŭ pahoniu. Pa-druhoje, amapaŭcaŭ značna mienš, čym pratestoŭcaŭ.
Što nie źmianiłasia, dyk heta padkreślena mirny charaktar pratestu. Pahladzicie na 5:08 — demanstrant u mascy adciahvaje ad amapaŭcaŭ mietaličnuju padstaŭku pad kvietki, kab nikomu nie pryjšło ŭ hałavu kinuć jaje u šerah siłavikoŭ.
Samy važny momant videa adbyvajecca na 4:00 za śpinami amapaŭcaŭ — da čałavieka ŭ čornym padbiahaje niejki čałaviek ŭ štackim, biare ź jaho ruk niejki vybuchovy pakiet i kidaje jaho ŭ natoŭp demanstrantaŭ, jakija nie rychtujucca ni da jakich aktyŭnych dziejańniaŭ. Spałochany natoŭp adstupaje.
