U publikacyi «Nastaŭnik Cichanoŭskaj: «Heta jana za mužam, jak za dziekabrystam pajšła. Nie tolki charaktar, ale i kachańnie svajo prajaviła» vydańnia «Miedyja-Paleśsie» było pamyłkova paznačana, što Ina Kucharava vučyła Śviatłanu Cichanoŭskuju, što nasamreč nie tak. Cytatu, jakaja vykarystoŭvajecca ŭ zahałoŭku i tekście, skazaŭ inšy nastaŭnik. Aŭtar pryznaŭ pamyłku, redakcyja apublikavała abviaržeńnie i pryniesła prabačeńni Kucharavaj.

Čytajcie pra heta: Sud apraŭdaŭ «Miedyja-Paleśsie» pa spravie ab artykule pra Cichanoŭskuju

Ale milicyja pačała administracyjny praces pa artykule «pahroza nacyjanalnaj biaśpiecy krainy» ŭ dačynieńni da «MP kompani», uładalnika sietkavaha ŚMI «Miedyja-Paleśsie».

Jak piša vydańnie, sud šmat razoŭ viartaŭ administracyjnuju spravu na dapracoŭku ŭ RAUS. A 8 vieraśnia sud vynies pastanovu ab tym, što spravu ab administracyjnym pravaparušeńni ŭ dačynieńni da «Miedyja-Paleśsia» nieabchodna spynić za adsutnaściu składu pravaparušeńnia.

17 listapada ŭ sudzie Łuninieckaha rajona adbyłosia novaje sudovaje pasiadžeńnie. Paciarpiełaja Ina Kucharava paćvierdziła, što apublikavanaja infarmacyja ab Cichanoŭskaj hanić jaje honar i hodnaść. Nastaŭnik skazała, što joj čužoj słavy nie treba.

Vierdykt — 250 bazavych vieličyń štrafu «MP kompani», h.zn. 6 750 rubloŭ.

Kampanija maje namier abskardzić pastanovu ŭ sudzie vyšejšaj instancyi.

Клас
0
Панылы сорам
0
Ха-ха
0
Ого
0
Сумна
0
Абуральна
0