Žeraru, tak pradstaviŭsia surazmoŭca, 34 hady, na žyćcio zarablaje biržavym handlem. Jon byŭ adnym z tych, kaho 15 listapada zatrymali na płoščy Pieramien u Minsku.

Zatrymańni na płoščy Pieramien. Fota Jeŭraradyjo.

Zatrymańni na płoščy Pieramien. Fota Jeŭraradyjo.

«Ja stajaŭ u sčepcy, mianie vydrali adnym ź pieršych. Kali mianie zakinuli ŭ aŭtazak, to tam jašče nikoha nie było. Čaćviora amapaŭcaŭ nakinulisia źbivać mianie dubinkami. Vyvichnuli skivicu, šmat siniakoŭ na nahach i dupie», — raskazvaje Žerar.

Potym chłopca advieźli ŭ Savieckaje RUUS. Tam jaho razam ź inšymi zatrymanymi pratrymali na vulicy kala 10 hadzin. Prykładna a čaćviortaj ranku pryvieźli ŭ izalatar na Akreścina.

«Nas, adzinaccać čałaviek, kinuli u kamieru na piać miescaŭ. Adrazu skinuli matracy z naraŭ na padłohu, častka chłopcaŭ spała na ich na padłozie, a častka — na draŭlanych narach. Było ciopła, ja chadziŭ tam u adnoj majcy», — raskazvaje chłopiec.

Jon kaža, što skivica baleła nastolki, što ŭ pastarunku jon navat nie moh havaryć, prosta addaŭ pašpart i rečy, kab ź ich zrabili vopis. «Na ščaście, u kamiery z nami byŭ miedyk, jaki prapanavaŭ ustavić skivicu na miesca, paśla hetaha stała trochu lahčej».

U paniadziełak nad Žeraram adbyŭsia sud, jaho prysudzili da 15 sutak aryštu. Pakarańnie praciahvaŭ adbyvać na Akreścina. Adnak 17 listapada, u aŭtorak, achoŭniki vyklikali chłopca z rečami.

«Niečakana mianie prosta faktyčna vykinuli za ścieny izalatara. Nijak nie tłumačyli, prosta skazali, što patelefanujuć i skažuć, kali treba pryjści adbyć aryšt. Chutčej za ŭsio naprykancy tydnia. Ja liču, što tam prosta niama miescaŭ», — kaža Žerar.

Ciapier chłopiec źbirajecca źniać paboi.

«Patelefanujuć — pryjdu adbyvać dalej, što parobiš», — pa-fiłasofsku stavicca jon.

I 8, i 15 listapada na vulicach Minska zatrymali bolš za tysiaču čałaviek. Mnohija adbyvajuć pakarańnie ŭ izalatarach Žodzina, Baranavič i Mahilova.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?