Zbornaja Rasii, jakaja nie moža pieramahčy na praciahu ŭžo 5 matčaŭ, sustrakałasia ŭ Lihi Nacyj ź sierbami, jakija zajmali na toj momant apošniaje miescy ŭ hrupie. Rasijanam ža dla pavyšeńnia ŭ top-dyvizijon nieabchodna było pieramahčy, kab nie zaležać ad vyniku matču Vienhryi i Turcyi (2:0). Vienhry ŭ vyniku finišavali na 1-m miescy, nabraŭšy 11 ačkoŭ, a rasijanie, atrymaŭšy 5 nieŭzajemnych miačoŭ ad Sierbii, skacilisia na druhoje miesca ŭ hrupie

Pryčym nie apošniuju rolu ŭ razhromie našych uschodnich susiedziaŭ syhraŭ eks-abaronca barysaŭskaha BATE Filip Mładenavič. Śpiarša def vyznačyŭsia dźviuma halavymi pieradačami.

Čarpačkom zakinuŭ na forvarda «Reała» Joviča — toj lohka zabiŭ u bramu Hiljermie (2:0).

U kancoŭcy pieršaha tajma dapamoh Joviču aformić dubl: naviesiŭ, toj vyskačyŭ vyšej za ŭsich u štrafnoj — i zabiŭ, apiaredziŭšy Dziviejeva.

A potym vyznačyŭsia i sam: atrymaŭ pieradaču, uvarvaŭsia ŭ štrafnuju i bachnuŭ u daloki ad bramnika kut. Razhrom 5:0!

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?