Siońnia deputaty Pałaty pradstaŭnikoŭ pryniali ŭ druhim čytańni zakonaprajekt ab źmianieńni zakona «Ab hramadzianstvie Respubliki Biełaruś». Člen Pastajannaj kamisii pa pravach čałavieka, nacyjanalnych adnosinach i ŚMI Maryja Vasilevič, jakaja pradstaŭlała zakonaprajekt, patłumačyła, što pytańnie ab stracie biełaruskaha hramadzianstva moža inicyjavacca pry sukupnaści surjoznych padstaŭ, piša BiełTA.

Pa słovach M. Vasilevič, havorka idzie tolki pra tych, chto parušyŭ uziatyja pry nabyćci hramadzianstva abaviazacielstvy vykonvać i pavažać Kanstytucyju Biełarusi.

Heta zamiežniki abo asoby biez hramadzianstva, jakija atrymali jaho ŭ vyniku pryjomu ŭ hramadzianstva, u paradku rehistracyi, z pryčyny adnaŭleńnia ŭ hramadzianstvie abo pa padstavach, praduhledžanych mižnarodnymi damovami Biełarusi.

Deputat źviarnuła ŭvahu na toje, što norma ab stracie hramadzianstva nie budzie raspaŭsiudžvacca na hramadzian Biełarusi, jakija naradzilisia ŭ miežach jaje sučasnaj terytoryi abo jakija źjaŭlalisia hramadzianami byłoha Savieckaha Sajuza i atrymali biełaruskaje hramadzianstva.

Akramia taho, udzieł čałavieka ŭ ekstremisckaj dziejnaści abo pryčynieńnie ciažkaj škody intaresam respubliki pavinien paćviardžacca prysudam suda.

Клас
0
Панылы сорам
0
Ха-ха
0
Ого
0
Сумна
0
Абуральна
0