spring96.org
Sud Centralnaha rajona Minska razhledzieŭ kryminalnuju spravu ŭ dačynieńni da 34-hadovaha architektara Arcioma Takarčuka. Jon byŭ abvinavačany ŭ supracivie 13 vieraśnia sałdatu terminovaj słužby pa č. 2 art.363 KK. U toj dzień u Minsku prachodziŭ «Marš hierojaŭ», piša spring96.org.
Kali sałdaty pačali atačać pratestoŭcaŭ na vulicy Mielnikajte i zatrymlivać ich, u natoŭpie pačałasia panika, niekatoryja pačali raźbiahacca i padać.
Pa słovach Arcioma Takarčuka, jon chacieŭ dapamahčy i raźniać upałych ludziej. Ale jaho žorstka zatrymali, paśla čaho ŭ balnicy jamu nakłali švy na hałavu.
Praz dva dni jaho znoŭ zatrymali — užo ŭ miežach kryminalnaj spravy. I paśla hetaha zatrymańnia jaho dastaŭlali sa Śledčaha kamiteta ŭ balnicu, dzie dyjahnastavali strasieńnie mozhu, zakrytuju čerapna-mazhavuju traŭmu, šmatlikija ŭdary i hiematomy pa ŭsim ciele.
Sudździa Julija Hustyr pakarała Arcioma Takarčuka 3 hadami i 6 miesiacami pazbaŭleńnia voli ŭ kałonii ahulnaha režymu. Mienavita takoje pakarańnie i zaprasiŭ prakuror Ćviatkoŭ.
