Siońnia zvolnili nastaŭnicu anhlijskaj movy siaredniaj škoły №40 Nadzieju Łašenka-Kazakovu. U minułuju niadzielu jaje zatrymali, paśla čaho abvinavacili va ŭdziele ŭ niesankcyjanavanym mierapryjemstvie i sudzili pa artykule 23.34.
U toj dzień Nadzieja razam ź siabroŭkaj Janinaj, jakaja pracuje namieśnicaj dyrektara ŭ toj samaj škole, hulali pa Savieckaj. Zajšli pierakusić u restaran «Baćki», a kali praz hadzinu vyjšli, ich adrazu ž zatrymali.
U jakaści dokazaŭ vinavataści pradjavili ček ad kupli łampadki i pavietranyja šary biełaha i čyrvonaha koleraŭ, jakija znajšli ŭ sumcy žančyny, i fota z mabilnaha telefona, dzie zachavany miemaryjał Ramana Bandarenki la kaścioła.
Sud aštrafavaŭ nastaŭnicu na 10 bazavych (270 rubloŭ).
Siońnia na svajoj staroncy ŭ sacyjalnych sietkach Nadzieja paviedamiła, što jaje zvolnili.
