U Litvu z asablivych humanitarnych pryčynaŭ dazvolena prybyć 653 biełaruskim hramadzianam, paviedamiła BNS.
Hetaje vyklučeńnie vykarystoŭvajecca z 11 vieraśnia. Z hetych asobaŭ 246 užo ŭ Litvie, 53 paprasili prytułak.
Taki dazvoł ministra ŭnutranych spravaŭ vydajecca na padstavie matyvavanaj prapanovy Mnisterstva zamiežnych spraŭ ab pryjeździe inšaziemca ŭ Litvu z asablivych humanitarnych pryčynaŭ, palityčnych abstavinaŭ abo inšych pahrozaŭ. Dazvoły vydajucca paciarpiełym ad režymu i represij hramadzianam Biełarusi, aktyŭnym pradstaŭnikam apazicyi.
«Pratesty ŭ Biełarusi nie supakojvajucca ŭžo čatyry miesiacy, usio bolš ludziej chočuć prybyć u Litvu, i raście kolkaść tych, chto prosić prytułak. My pastajanna zabiaśpiečvajem zładžany praces vydačy dazvołaŭ z tym, kab u ludziej nie było pieraškod prybyć tudy, dzie jany pačuvajucca ŭ bolšaj biaśpiecy», — adznačyła v. a. ministra ŭnutranych spraŭ Ryta Tamašunienie.
Hramadzianie Biełarusi, jakija žadajuć pryjechać u Litvu z asablivych humanitarnych pryčynaŭ, pavinny źviartacca ŭ ambasadu Litvy ŭ Biełarusi i padać infarmacyju, jakaja paćviardžaje najaŭnaść admysłovych humanitarnych pryčyn.