Na vulicy Vierbnaj u Minsku (rajon «Drazdy-2») 0,8 hiektara ziamli vydzielena pad budaŭnictva rezidencyi pasła Kitaja. Adpaviednaje rašeńnie było pryniata Minharvykankamam u žniŭni 2020 hoda, adrazu paśla prezidenckich vybaraŭ.
Raniej na miescy rezidencyi byŭ raźbity łahier budaŭnikoŭ
Kitajcy biaruć učastak u arendu na 70 hadoŭ, buduć płacić pryblizna pa $25 tysiač na hod.
Učastak pad budaŭnictva vydzieleny žoŭtym koleram.
Heta pieršy vypadak, kali ŭčastak u Drazdach-2 vydajuć zamiežnym dypłamatam. Raniej elitnuju ziamlu narazali na kavałki pa 15 sotak i prapanoŭvali pradstaŭnikam namienkłatury i top-spartśmienam.
Siarod ludziej, jakija ŭ liku apošnich atrymali ziamlu na vulicy Vierbnaj, — staršynia Savieta Respubliki Natalla Kačanava, eks-staršynia Rady biaśpieki Stanisłaŭ Zaś, a taksama apalnaja čempijonka Alaksandra Hierasimienia.
Vulica Vierbnaja, fota Nadziei Bužan
Čytajcie taksama. Ad Abielskaj da Jarmošynaj: 113 uładalnikaŭ katedžaŭ u Drazdach, poŭny śpis
