11 listapada zaviali kryminalnuju spravu ŭ dačynieńni da žychara kurortnaha pasiołka Narač, jaki pahražaŭ dzieciam pistaletam. Ab hetym paviedamlaje narachanka.by.
Pa infarmacyi śledstva, mužčyna ŭviečary 14 vieraśnia kala doma pa vulicy Kastryčnickaja pahražaŭ dźvium małaletnim asobam pnieŭmatyčnym pistaletam. Ź jaho jon streliŭ nie mienš za try razy ŭ bok ściany padjezda doma, paśla jašče čatyry razy, zatym niekalki razoŭ — u stol tambura padjezda.
Mužčyna byŭ niećviarozy. Jaho dziejańni mohuć paciahnuć pakarańnie ŭ vyhladzie abmiežavańnia voli terminam ad troch da piaci hadoŭ abo pazbaŭleńnia voli terminam ad troch da dziesiaci hadoŭ.
0
0
0
0
0
0
