Abnoŭlena: unačy Ihar Iljaš znajšoŭsia na Akreścina. U jakim jon statusie — nieviadoma.
24 listapada pierastaŭ vychodzić na suviaź žurnalist Ihar Iljaš, muž zatrymanaj pa kryminalnaj spravie žurnalistki Kaciaryny Andrejevaj. U kvatery Ihara brat znajšoŭ pratakoł vymańnia kampjutara, telefona i inšych rečaŭ, paviedamlaje Biełsat.
Telefony žurnalista niedasiažnyja. Taksama jon nie pryjšoŭ na sustreču z kalehami. U kvatery Ihara Iljaša brat znajšoŭ pratakoł vymańnia kampjutara, telefona i hd. Na kopii pratakoła nie bačna ni imionaŭ, ni ź jakoj pryčyny zabrali asabistyja rečy žurnalista.
Bolš za dźvie hadziny tamu Ihar musiŭ pryjści na sustreču, ale nie źjaviŭsia. Jaho telefony vyklučanyja. Kalehi pryjechali da jaho domu — tam nikoha niama, śviatło nie haryć.
Na kopii pratakoła nie bačna ni imionaŭ, ni pryčyny pieratrusu.
15 listapada pa miescy rehistracyi Iljaša siłaviki taksama praviali pieratrus.
- Žonku Ihara Iljaša, Kaciarynu Andrejevu, zatrymali 15 listapada za strym na płoščy Pieramien. Joj vystavili abvinavačańnie ŭ arhanizacyi dziejańniaŭ, jakija hruba parušajuć hramadski paradak (art. 342 KK).
- 24 listapada Kaciarynu Andrejevu pravaabaroncy pryznali palitźniavolenaj.
