Pasoł Dźmitryj Mieziencaŭ upeŭnieny, što Maskva i Minsk znojduć uzajemaprymalnaje rašeńnie pa ŭmovach pastaŭki enierhanośbitaŭ u 2021 hodzie pa-za palityčnaj kanjunkturaj, piša «Interfaks».

Razam z tym Mieziencaŭ zaklikaŭ da ŭliku ŭzajemnych intaresaŭ.

«Kali adzin bok zapytvaje «źnižačku» (u canie na haz), to značyć, i inšy bok maje prava raźličvać na taki padychod, na «źnižačku» pa tych ci inšych hrupach tavaraŭ — kali my havorym ab raŭnapraŭnych adnosinach niezaležnych dziaržaŭ i haspadarčych subjektaŭ», — skazaŭ Mieziencaŭ.

«Kali my havorym ab značnych krokach nasustrač adzin adnamu — ab pahłybleńni ŭzajemadziejańnia halin, farmiravańni adzinaha rynku hazu, zbližeńni padatkovaha zakanadaŭstva, ab blizkaści padychodaŭ pry praviadzieńni pramysłovaj i ahrapalityki, adkrytaści va ŭzajemadziejańni mytnych słužbaŭ, ab supracoŭnictvie pa dziasiatkach inšych «technałahičnych» napramkaŭ — na karyść ahulnaj kankurentazdolnaści, pierśpiektyŭ prasoŭvańnia pradukcyi sumiesnych vytvorčaściaŭ na novych rynkach, to tady pieramovy i pa taktyčnych, i pa pryncypovych pytańniach buduć paśpiachovymi i vynikovymi», — dadaŭ jon.

Клас
Панылы сорам
Ха-ха
Ого
Сумна
Абуральна