U sudzie Lidskaha rajona 24 listapada abvieščany prysud pa kryminalnaj spravie Jaŭhiena Vinčy, jakoha vinavacili ŭ hvałtoŭnych dziejańniach albo pahrozie prymianieńnia hvałtu ŭ dačynieńni da supracoŭnika orhanaŭ unutranych spraŭ (art. 364 KK). Sud pastanaviŭ: try hady abmiežavańnia voli biez nakiravańnia va ŭstanovu adkrytaha typupiša spring96.org.

Spravu razhladaŭ sudździa Maksim Fiłataŭ, dziaržaŭny abvinavaŭca — prakuror Roŭba.

Pra incydent i kryminalnuju spravu amal ničoha nieviadoma, pakolki sud prachodziŭ u zakrytym režymie.

12 žniŭnia ŭ centry Lidy kala budynka rajvykankama adbyłasia akcyja mirnaha pratestu. Siudy pryjšli taksama śviatary. Praź niejki čas pravaachoŭniki paprasili ŭsich razyścisia. Zatym pačalisia zatrymańni. U adkaz pratestoŭcy kinuli niekalki kamianioŭ u milicejski transpart.

Pa słovach paciarpiełych i śviedkaŭ, u zatrymańniach udzielničali amapaŭcy i miascovyja milicyjaniery.

Jaŭhiena Vinča taksama pry zatrymańni źbivali, a potym abvinavacili ŭ tym, što junak učyniŭ hvałt u dačynieńni da supracoŭnikaŭ milicyi.

Napačatku sudovaha pasiadžeńnia prakuror zajaviŭ chadajnictva ab tym, kab sud prachodziŭ u zakrytym režymie, maŭlaŭ, u pracesie jość sakretnyja asoby, jakich nielha padviarhać niebiaśpiecy.

Padčas papiarednich sudovych pasiadžeńniaŭ prakuror Roŭba zaprasiŭ dla Jaŭhiena Vinčy dva hady pazbaŭleńnia voli. Taksama zadavoleny isk ab materyjalnaj pretenzii paciarpiełaha ŭ pamiery 2000 rubloŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?