Zatrymanamu ŭčora žurnalistu Iharu Iljašu dali 15 sutak aryštu za nibyta ŭdzieł u akcyi, na jakoj jon i blizka nie byŭ. Takoje rašeńnie vyniesła sudździa Centralnaha suda Viktoryja Šabunia, piša Biełsat.

U toj dzień kala Čyrvonaha kaścioła prachodziŭ sumiesny marš studentaŭ i piensijanieraŭ. Adnak u hety čas Ihar nakiroŭvaŭsia na zavod MAZ pa pracy.

Na sudzie Ihar zajaviŭ, što ŭ viečar zatrymańnia troje nieviadomych u cyvilnym adčynili dźviery jaho kvatery klučom, vierahodna tym, jaki kanfiskavali ŭ jaho žonki Kaciaryny Andrejevaj, žurnalistyki «Biełsata», jakaja zaraz źjaŭlajecca padazravanaj pa kryminalnaj spravie.

Paźniej supracoŭniki pakazali pastanaŭleńnie ab kanfiskacyi techniki Kaciaryny, ale pačali zabirać i techniku Ihara, pra što jon skazaŭ. U vyniku žurnalista zabrali dla dačy pakazańniaŭ pa spravie jaho žonki. Adnak u Centralnym RUUS Iljašu byŭ pradjaŭleny pratakoł ab pravaparušeńni.

Клас
Панылы сорам
Ха-ха
Ого
Сумна
Абуральна