Viadomy biełaruski łyžnik Siarhiej Dalidovič padzialiŭsia mierkavańniem pra list z tavarystva, dzie jamu zahadana źniać BČB-ściah, piša Tribuna.com.
List z podpisam staršyni praŭleńnia Alaksandra Palakova, jaki źjaŭlajecca baćkam Viery Palakovaj — žonki ministra zamiežnych spraŭ Uładzimira Makieja.
«Voś atrymaŭ list. Lažu ŭ ciopłym łožku, z dačkoj samaj małodšaj i dumaju, što adkazać hetamu tavaryšu. Haryć śviečka na padvakońni ŭ pamiać ab Ramanie. Chižynkovaj jašče 15 sutak dadali. A tut «źnimicie, pavažany»… Historyja, jana takaja — praviadzi refierendum ab simvolicy ciapier, upeŭnieny, viarnuŭsia b ściah (bieł-čyrvona-bieły) znoŭ. I heta narmalna. Nie chaču chaosu. Chaču pavahi da vybaru naroda. Nie chaču hvałtu. Chaču dyjałohu. Ściah nie zdymu. Zapłaču štraf (kali treba)», — napisaŭ Dalidovič.
