Fota pres-słužby Masharsuda

Fota pres-słužby Masharsuda

Maskoŭski haradski sud pryhavaryŭ byłoha člena praŭleńnia dziaržkarparacyi «Inter RAT» Karynu Curkan da 15 hadoŭ kałonii pa abvinavačvańni ŭ špijanažy na karyść Małdovy. Takoje rašeńnie vynies sudździa Andrej Suvoraŭ, paviedamlaje RBK.

Curkan aryštavali ŭ červieni 2018 hoda paśla prynamsi trochhadovaj apieratyŭnaj raspracoŭki. Jaje sprava stała adnoj z samych hučnych spraŭ ab špijanažy ŭ Rasii za apošnija hady.

Dziaržabvinavaŭca Barys Łakcijonaŭ (jaki zamianiŭ prakurora Amaliju Ustajevu, što pajšła ŭ adstaŭku ŭ siaredzinie pracesu) prasiŭ pryznačyć Curkan 18 hadoŭ kałonii — termin, blizki da maksimalnaha.

Advakaty i sama Curkan, jakuju ŭ pačatku 2020 hoda nienadoŭha vyzvalili z-pad varty, śćviardžali, što sprava budujecca na falšyvych dokazach i jana moža być źviazanaja z kanfliktam Curkan z uładami Prydniastroŭja, z «rejdarskim zachopam» jaje pasady abo sprobaj śpiecsłužbaŭ advieści ŭdar ad «sapraŭdnaha» špijona.

Curkan zatrymali ŭ červieni 2018 hoda. Pavodle viersii FSB, z 2004 hoda jana pracavała ahientam małdoŭskaj raźviedki. U 2015 hodzie Curkan nibyta pieradała małdoŭskim śpiecsłužbam źviestki ab pastaŭkach elektraenerhii z Rasii na terytoryju DNR-ŁNR.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?