Mahiloŭski rehijon

Mahiloŭski rehijon

Heta pieršy vypadak, pra jaki stała viadoma ŚMI — sud za pieradruk z telehram-kanała, jaki ŭ Biełarusi pryznali ekstremisckim, paviedamlaje Mahiloŭski rehijon.

Na žycharku Bychava skłali dva pratakoły. Dekretnica Volha Puškarova i nie admaŭlała, što raspaŭsiudziła svastyku i infarmacyju z zabaronienaha ŭ Biełarusi telehram-kanała. Adnak jana padkreślivała, što jaje metaj nie było raspaŭsiudžvańnie nacysckaj simvoliki — prosta ličby represavanych u Trecim Rejchu i Respublicy Biełaruś jaje ŭrazili, i jana zachacieła padzialicca imi ź inšymi ludźmi, nie źviartajučy ŭvahi na ściah nacysckaj Hiermanii, na fonie jakoha hetyja ličby byli raźmieščanyja.

Što tyčycca druhoha pravaparušeńnia — reposta z taho samaha kanała, to, jak adznačaŭ advakat Puškarovaj Siarhiej Karytka, tut niehatyŭnuju rolu adyhrała niedastatkovaja praca pa infarmavańni hramadzian pra toje, što hety tielehram-kanał pryznany ekstremisckim. Choć, viadoma, niaviedańnie viny nie vyzvalaje ad adkaznaści. Abaronca taksama źviarnuŭ uvahu, što paśla taho, jak Puškarova daviedałasia pra niezakonnaść svaich dziejańniaŭ, jana adrazu ž vydaliła hetuju infarmacyju. Jon prasiŭ sud pryznačyć jaho klijentcy minimalny štraf pa abodvuch artykułach — č. 1 art. 17.10 i č. 2 art. 17.11 KaAP.

Uličvajučy pryznańnie viny padsudnaj i najaŭnaść u jaje małaletniaha dziciaci, sudździa Žołudzieŭ aštrafavaŭ Volhu Puškarovu na 15 bazavych vieličyń (410 rubloŭ).

Клас
Панылы сорам
Ха-ха
Ого
Сумна
Абуральна