Znakamity francuzski madeljer Pjer Karden pamior siońnia va ŭzroście 98 hadoŭ. Pra heta paviedamlaje AFP.

Pjer Karden naradziŭsia ŭ 1922 h. u Italii. Pačynaŭ jak teatralny mastak. U 1946 hodzie stvaryŭ kaściumy dla filma Žana Kakto «Pryhažunia i Pačvara». Z 1947 hoda pracavaŭ u atelje ŭ Kryścijana Dzijora, a ŭ 1950 hodzie zasnavaŭ ułasny dom mody.

Karden byŭ pieršym kuciurje, jaki pačaŭ pradavać svaje sukienki i parfumu pa nižejšych koštach, zrabiŭšy ich bolš dastupnymi šyrokamu kołu ludziej.

Zapatentavaŭ bolš za 500 vynachodak, takich jak kalarovyja pančochi i vysokija boty, mini-sarafany, halštuki «ŭ kvietačku», doŭhija pinžaki biez kaŭniara, vuzkija štany na huzikach, pieršapačatkova stvoranyja dla «Bitłz».

U 1970 hodzie Karden stvaraŭ dyzajn dla NASA. Padčas svajho vizitu tudy jon staŭ adzinym čałaviekam, jaki prymieryŭ skafandr Niła Armstranha, u jakim toj upieršyniu ŭ historyi čałaviectva stupiŭ na Miesiac.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?