Alaksandr Łukašenka pašyryŭ paŭnamoctvy svaich pamočnikaŭ-inśpiektaraŭ pa abłaściach i Minsku.

U pryvatnaści, jany nadzialajucca pravami pryciahvać da vykanańnia daručeńniaŭ Łukašenki dziaržaŭnyja orhany i arhanizacyi, u tym liku sistemy zabieśpiačeńnia biaśpieki, pry pradjaŭleńni słužbovaha paśviedčańnia bieśpieraškodna ŭvachodzić na terytoryju i ŭ pamiaškańni dziaržaŭnych orhanaŭ i arhanizacyj. U vypadku vyjaŭleńnia faktaŭ biezhaspadarčaści, parušeńniaŭ zakanadaŭstva, vytvorča-technałahičnaj, vykanalnickaj i pracoŭnaj dyscypliny pamočniki Łukašenki mohuć chadajničać pierad dziaržaŭnymi orhanami i arhanizacyjami ab pryciahnieńni da dyscyplinarnaj adkaznaści abo prymianieńni inšych mier uździejańnia ŭ dačynieńni da słužbovaj asoby, u rašeńniach abo dziejańniach (biaździejnaści) jakoj uhledžvajucca parušeńni.

Akramia taho, na pamočnikaŭ Łukašenki — inśpiektaraŭ pa abłaściach i Minsku — uskładajucca dadatkovyja funkcyi: pa vyjaŭleńni ŭ rehijonach krynic i faktaraŭ, jakija stvarajuć pahrozu nacyjanalnaj biaśpiecy, pa kantroli, analizie i prahnazavańni hramadska-palityčnych i sacyjalna-ekanamičnych pracesaŭ, uniasieńni prapanoŭ pa zabieśpiačeńni ŭnutrypalityčnaj stabilnaści ŭ rehijonie, u tym liku ab umacavańni pravaparadku, i inšyja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?