U sudzie Vilejskaha rajona 29 śniežnia abvieščany prysud miascovamu žycharu Andreju Sysunu, jakoha abvinavacili ŭ złačynstvie, praduhledžanym artykułam «Apahańvańnie zbudavańniaŭ i psavańnie majomaści», paviedamlaje Viasna.

Spravu razhladała sudździa Taćciana Borys, bok abvinavačvańnia pradstaŭlała prakuror Vieranika Zankovič.

Z materyjałaŭ spravy viadoma, što Andrej Sysun, dziejničajučy pa papiaredniaj zmovie ŭ składzie hrupy, pozna viečaram 14 vieraśnia ažyćciaviŭ psavańnie majomaści, jakaja znachodzicca na bałansie Vilejskaha ŽKCH - žyłoha doma pa vulicy Haradziščanskaja 9, dźviarej padjezda, tratuarnaj plitki na piešachodnaj darožcy, a taksama leśvicy ŭ padjeździe i elektryčnych ščytkoŭ.

Psavańnie vyjaviłasia ŭ naniasieńni nadpisaŭ «Žyvie Biełaruś!», «Łuka, sychodź!» i «3%». Materyjalnaja škodu acanili na sumu 167 rubloŭ, a sami nadpisy nieŭzabavie zafarbavali.

Andrej Sysun vinu padčas suda pryznaŭ całkam.

Prakuror Vieranika Zankovič zaprasiła dla abvinavačanaha Sysuna 3 miesiacy aryštu.

Andrej Sysun admoviŭsia ad vystupu ŭ sprečkach i ad apošniaha słova.

Sudździa Taćciana Borys abviaściła prysud: try miesiacy aryštu.

Клас
Панылы сорам
Ха-ха
Ого
Сумна
Абуральна