Fota z archiva Viačasłava Fiedarenkava

Fota z archiva Viačasłava Fiedarenkava

Žurnalist «Presboła» Viačasłaŭ Fiedarenkaŭ u intervju łatvijskamu vydańniu la.lv raspavioŭ pra situacyju vakoł vydańnia paśla źmieny hałoŭnaha redaktara i źmieny palityki i viektara publikacyj haziety.

«Vydańniu spoŭnicca 30 hadoŭ, i my ŭpieršyniu sutyknulisia z takoj situacyjaj. U nas jość tradycyja vyznačać čałavieka hoda, na hety raz pierakanaŭča Alena Leŭčanka nabrała 65%. Adnak apublikavać vyniki było zabaroniena.

Rašeńni, jak minimum, prymajucca na ŭzroŭni Ministerstva sportu, ź jakim u nas zaŭsiody byli niaprostyja adnosiny, bo my pišam nie toje, što jany chočuć čytać, a toje, što dumajem», — adznačaje Fiedarenkaŭ.

Łukašenka niadaŭna skazaŭ, što sport — samaja vialikaja palityka. Kali chtości sprabuje skazać, što sport — heta nie palityka, ja kažu, što sport nie budzie palitykaj, kali spartsmieny nie źjaŭlajucca častkaj hramadstva. Prosta zaraz palityka — heta ŭsio. Mnie skazali nie pisać pra palityku. Ale, naprykład, zaraz staić pytańnie pra čempijanat śvietu ŭ Minsku — jak pra heta nie pisać? U pieršyja dni pratestaŭ chakieist Illa Litvinaŭ byŭ aryštavany i źbity. Nie pisać pra heta? Leŭčanka, a taksama inšych spartsmienaŭ i ludziej, blizkich da sportu, aryštavali. Kali my pra heta pišam, uźnikaje nianaviść i žadańnie zakryć rot», - skazaŭ Fiedarenkaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?