BiełTA

BiełTA

Pra heta zajaviŭ siońnia Alaksandr Łukašenka, vystupajučy padčas naviedvańnia AMAPu HUUS Minharvykankama, piša BiełTA.

«Śviet imkliva źmianiajecca, stanovicca ŭsio mienš biaśpiečnym dla žyćcia narmalnaha čałavieka, a šerah dziaržaŭ i zusim pahruzilisia ŭ biezdań hramadzianskich vojnaŭ i mižnacyjanalnych kanfliktaŭ. Vam heta nie prosta viadoma, my z vami heta adčuli na sabie. Kala našych zachodnich i paŭnočnych miežaŭ idzie pastajannaje naroščvańnie vajennaha patencyjału. Polšča i krainy Prybałtyki stali palihonami dla rehularnych vučeńniaŭ i trenirovak vojskaŭ NATA. Nam pahražajuć nie tolki ŭviadzieńniem novych ekanamičnych sankcyj, suprać nas raźviazali sapraŭdnuju infarmacyjnuju vajnu, pastajanna ładziacca palityčnyja pravakacyi», - zajaviŭ jon.

«Miaciež, blickryh abo kalarovaja revalucyja nie prajšli. Tamu niaŭdałyja zmahary, jakija siadziać u ciopłych zamiežnych kabinietach, praciahvajuć vynachodzić usio novyja padkopy suprać našaj dziaržavy, jak jany kažuć, «na karyść biełaruskaha naroda». Dabroty tolki nie vidać. U hetych «dziejačaŭ» svaje śpiecyfičnyja ŭjaŭleńni i razumieńnie palityki», - skazaŭ Łukašenka.

Jon adznačyŭ, zamiest pošuku kanstruktyŭnaj alternatyvy, sumlennaj i adkrytaj baraćby za simpatyi ludziej jany zaklikajuć da vuličnych batalij. Uzamien źmiastoŭnaha dyjałohu pa pieraadoleńni najaŭnych prablem sprabujuć pastavić pad sumnieŭ lehitymnaść dziaržaŭnych instytutaŭ. Aktyŭna sadziejničajuć zaklikam źniščać majomaść niazhodnych ź imi, raspraŭlacca ź ich dziećmi, žonkami i blizkimi ludźmi.

«Pry hetym jany nazyvajuć siabie patryjotami, choć u adkrytuju pracujuć na razvał ekanomiki, likvidacyju isnujučaha kanstytucyjnaha ładu i źniščeńnie krainy», - padkreśliŭ Łukašenka.

«Chaču, kab vy razumieli maju pazicyju. Jana niaźmiennaja: naš abaviazak pierad ciapierašnim i budučymi pakaleńniami - zachavać krainu. I my jaje zachavajem, čaho b nam heta ni kaštavała. Zachavajem dla ŭsich nas, našych dziaciej i ŭnukaŭ. U hetym maja i vaša hałoŭnaja zadača. Kali chočacie, histaryčnaja misija», - zajaviŭ Łukašenka.

Клас
Панылы сорам
Ха-ха
Ого
Сумна
Абуральна