soyuz.by
Dyrektar Dziaržaŭnaha muzieja historyi biełaruskaj litaratury Michaił Rybakoŭ musić syści z pasady. Pra heta jon napisaŭ na svajoj staroncy ŭ fejsbuku.
«Na majo pytańnie ab pryčynach takoj nieabchodnaści mnie spasłalisia na «novuju kadravuju palityku kiraŭnictva», rastłumačyli, što ŭ advarotnym vypadku zvolniać pa inšaj farmuloŭcy i inšaha vybaru ŭ mianie niama».
U vyniku Rybakoŭ padpisaŭ prapanavany jamu błank zajavy. Dataj zvalnieńnia było pastaŭlena 31 śniežnia.
Niahledziačy na piśmovy zapyt na imia ministra Anatola Markieviča patłumačyć pryčyny takoha rašeńnia, aficyjnaha tłumačeńnia Michaił Rybakoŭ nie dačakaŭsia.
«Zrešty, dziakuj ministru i načalnicy addzieła kadravaj raboty Lisiankovaj, jakaja daviała da mianie patrabavańnie zvolnicca i vystupaje aktyŭnym cenzaram «maralna-palityčnych» nastrojaŭ svaich kalehaŭ, za majo «vyzvaleńnie» ad abaviazku «vyžyvać» na ścipły zarobak rabotnika śfiery kultury i adkaznaści za davoli składany i prablemny ŭčastak pracy», — adznačyŭ Michaił Rybakoŭ.
«Pakul sychodžu ŭ nikudy, ale kali začyniajucca adny dźviery, pavinny adkrycca inšyja», — nie hublaje aptymizmu jon. Pry hetym Michaił Rybakoŭ pažadaŭ, kab Novy hod adčyniŭ usim biełarusam dźviery ŭ novuju Biełaruś.
