president.gov.by
Alaksandr Łukašenka padoŭžyŭ ukaz ab padtrymcy sportu na novy alimpijski cykł - da kanca 2024 hoda, paviedamlaje jaho pres-słužba.
Akramia taho, u adpaviednaści z dakumientam Ministerstva sportu i turyzmu nadzielena dadatkovymi funkcyjami pa manitorynhu za pamieram zarpłaty spartsmienaŭ, vykarystańniem fiederacyjami srodkaŭ zamiežnaj biazvypłatnaj dapamohi i napramkam kampiensacyjnych vypłat mižnarodnych spartyŭnych arhanizacyj na praviadzieńnie spartyŭnych mierapryjemstvaŭ.
Ukazam taksama zamacavany abaviazak kłubaŭ, jakija karystajucca srodkami padtrymki, nakiroŭvać spartsmienaŭ dla ŭdziełu ŭ spartyŭnych mierapryjemstvach u składzie nacyjanalnych i zbornych kamand.
U metach stvareńnia roŭnych umoŭ dla raźvićcia sportu siarod ludziej z abmiežavanymi mahčymaściami ŭkaz praduhledžvaje raspaŭsiudžvańnie mier padtrymki na biełaruskuju spartyŭnuju Fiederacyju hłuchich.
